Archiv

Countdown

 

 

So, jetzt wirds langsam ernscht!! In nit mol meh sechs Wuche flieg ich!! Wow!! Ich verstoh lansgam, dass es Realität isch, wil mini Eltere würde mi süscht sicher nit so umme stresse :-P Es git jo soooo viel Sache, wo no müend abklärt werde und wo ich bsorge muess und denn no luege, wenn ich wer no wenn und wie triff!! Jetzt muess ich denn gli no die letschte Zahlige erledige. Dennoch erfahr ich denn hoffentlich gli was über mini HOST-Family!! *nervös-bin*

Ich ka es kum erwarte, min Götti und mini schwangeri Tante wieder z'seh, aber au ihri Verwandti, vorallem die kleini Natasha Jade. Sie isch d'Tochter, vo de Schwöschter vo miner Tante. D'Fötteli wo ich vo ihre ha, sin jo alli soooo putzig!!

Zur Zyt isch jo au no e Kollegin vo mir z'Australie, gnau gno in Brisbane, was jo vor Wiehnachte ganz in miner Nöchi isch. Ich hoff, dass ich sie treffe chan. Das wär würklich HAMMER, wil do in de Schwiez seh ich sie soooo selte!!

Jetzt wirds jo dusse au langsam kälter und es isch so komisch, eifach keini neue Wintersache kaufe z'müesse :-P Ich bi so froh, dörf ich dem entfliehe. Aber trotzdem wärs no cool, wenn es vor miner Abreis schneiele würd! Am liebschte in dere Wuche bevor ich gang, wil denn ha ich frei und chönnt au use in Wald, go das wiesse Züg go gniesse!! ;-)
 

1 Kommentar 30.10.06 19:48, kommentieren